Til að fá námsvist í Ásgarði þurfa forráðamenn barna sem búa ekki í Reykhólahreppi að sækja um námsvist utan lögheimilis sveitarfélags og færa rök fyrir því hjá sínu sveitarfélagi. Skólavist er því ávallt háð samþykki viðkomandi sveitarfélags. Sum sveitarfélög eru með umsóknargátt á heimasíðum sínum en hjá öðrum þarf að fylla út eyðublað og senda.
Nemendur í Ásgarði geta fengið skólavist að ósk sveitarfélaga og þá er gert samkomulag um eðli og umfang þeirrar skólavistar. Eðlilegt er að námsvist nemenda í Ásgarði verði unnin í nánu samstarfi við fræðsluyfirvöld í því sveitarfélagi sem nemandinn býr í. Best fyrir forráðamenn er að snúa sér beint til skólastjóra í Ásgarði með fyrirspurnir og fylla út umsóknareyðublað Ásgarðs áður.
Forráðamenn greiða ekki fyrir skólavist í Ásgarði nema ef þeir ákveða að greiða skólagjöldin að fullu sjálfir vegna þess að viðkomandi sveitarfélag samþykkir ekki millifærsluna eða ef viðkomandi er ekki með lögheimili á Íslandi. Í skýjunum ehf. er með þjónustusamning við Reykhólahrepp samkvæmt samningi þessum (smella hér).
Esther Ösp Valdimarsdóttir er skólastjóri
esther@asgardsskoli.is
8498620 (SMS/Whattsap)
