Forsjáraðilar barna á unglingastigi geta óskað eftir flutningi nemandans úr sínu sveitarfélagi til Reykhólahrepps. 

Skólavist er háð samþykki heimasveitarfélags og móttökusveitarfélagsins Reykhóla. 

Forsjáraðilar greiða ekki neitt fyrir skólavist ef að sveitarfélag samþykkir flutninginn. Ef svo ólíklega vill til að foreldrar greiði skólavist sjálfir þá er hægt að miða við verðskrá Sambands Íslenskra sveitarfélaga. 

Skólinn er eini grunnskólinn á landinu sem hefur fengið leyfi til að starfa alfarið á netinu. Nemendur eru á unglingastigi og vinna að öllum markmiðum Aðalnámskrár grunnskóla. Tæknilega er skólinn sérskóli en nemendur útskrifast án stjörnumerkingar og fara flest í framhaldsskóla að lokinni skólagöngu. 

Nemendur koma úr fjölmörgum sveitarfélögum, að jafnaði 15-20 sveitarfélögum á hverjum tíma. Öll stunda nám heima hjá sér. Skólinn tekur 50 nemendur.

Kennararnir sem starfa við skólann eru sérfræðingar í leiðsagnarnámi og vinna þétt saman að velferð allra nemenda og ganga eins langt og mögulegt er að koma til móts við þarfir allra nemenda. 

Skólinn er með nemendaverndarráð, skólasálfræðing, hjúkrunarfræðing, veitir náms- og starfsráðgjöf eins og aðrir skólar. Sumir nemendur eru með stoð teymi í kringum sig. Skólinn hefur líka tengilið farsældar.