„Ég get loksins notið dagsins og hitt vini mína án þess að deyja úr þreytu útaf ég hef eitt allri orkunni minni í að fara í skólann.“

„ Sonur minn er útskrifaður nemandi úr Ásgarðsskóla, skóla í skýjunum og er á sínu fyrsta ári í menntaskóla. Fyrir það fyrsta: Ásgarðsskóli er magnaður gagnfræðaskóli, stórkostlegur skóli og starfsfólk, kennaralið, félagslíf, allt sem viðkemur skólanum er óviðjafnanlegt. Ég og sonur minn lítum til Ásgarðsskóla, skóla í skýjunum með þakklæti, velvild og í raun líka aðdáun."

„Ásgarðsskóli, skóli í skýjunum er magnaður grunnskóli með úrvalsliði af fagfólki og auðvitað frábærum nemendum, það er einstaklega vel haldið um nemendur í námi og ég hvet alla foreldra sem eru að íhuga, en þora ekki að taka skrefið, að senda tölvupóst til Ásgarðsskóla, skóla í skýjunum og spyrja eins og vindurinn!"

„Það hvernig tímar eru byggðir upp er einstaklega vel gert og greinilega verið að þróa og pæla í bestun á skóla í skýjunum."

„XXX er að blómstra í Ásgarðsskóla að svo stöddu. Taugakerfi hennar er í hvíld eftir þörfum í náminu og nær hún að halda takti og hefur það ekkert að gera með fyrri skóla sem reyndi allt og tefldi fram sínu besta fólki við lausnir á vandamálum XXX sem einfaldlega eru of erfið fyrir hefðbundinn grunnskóla að leysa."

„Ég vildi segja að mér finnst frábært að það sé boðið upp á nám í gegnum netið þar sem krakkar geta lært námið sitt á íslensku hvar sem þau eru í heiminum. Ásgarðsskóli hefur hjálpað mér mikið þar sem ég bý erlendis og erfitt var að fara í skóla í öðru landi með námið á allt öðru tungumáli þannig ég er svakalega glöð að hafa fengið að fara í Ásgarðsskóla. "

„Ásgarðsskóli hjálpaði mig mjög mikið þegar eg náði ekki að mæta í skólann vegna félagskvíða. Munurinn hérna er svo mikil betri andrumsloft hérna og fæ mikið meiri hjálp, þessi skóli bjargaði mér að klára skólann"

„XXX er að sýna framfarir, ræður betur við kvíðann og skólaforðun verandi  í Ásgarðsskóla og stillir sig í takt við líðan í samstarfi við kennara sína. Það er ótrúlegur munur á henni á stuttum tíma og ég sé vonina bærast í augunum á henni að kannski ráði hún við lífið eftir allt saman. Sé kjark og sjálfstraust byrja að sjást í litlum púddu skrefum."

„Ásgarðskoli hjálpaði mér í að koma mér á stað í skólanum, en ekki bara það. Skólinn hefur gefið mér tíma til að fatta hver ég er og hvað ég vil gera í mínu lífi, það er voðalega  ervitt að reyna gera skemmtilega hluti og spá í frammtíðinni þegar það eina sem þú getur hugsað um er hvað vont gæti gerst á morgun. Ég get loksins notið dagssins og hitt vini mina ánn þess að deyja úr þreytu utaf ég hef eitt allari orkunni minni í að fara í skólann."

„Það besta sem við gerðum fyrir okkar var að fara yfir í Ásgarðsskóla.

Gæti ekki mælt meira með.

Álagið á foreldrana minkaði niður í sama sem ekkert."

„Mín dóttir blómstrar í Ásgarðsskóla og finnst álagið alls ekki meira, frekar minna ef eitthvað er.

„Okkur verður oft hugsað til ykkar í Ásgarðsskóla og þakklæti í ykkar garð mun seint hverfa okkur úr minni"

„Kennarar og starfsfólk sýndu hugvitsemi og hlýju sem hjálpaði ráðvilltum unglingi að finna aftur tilgang og áhuga á því að gera eitthvað með líf sitt. Ásgarðsskóli kom til bjargar þegar öll sund virtust lokuð og létti þrúgandi óvissu og kvíða af fjölskyldunni."

„Ég vil koma því áleiðis að mér finnst skólinn algerlega brilliant og mér finnst hann hafa lært helling þó að hann sé kannski ekki alveg sammála. Ég tel að þar sem hann fer aftur þá sé ekki þörf á fundinum með XXX"

„Barnið mitt var með rosalega hamlandi skólaforðun vegna erfiðrar reynslu og hefði aldrei lokið skólaskyldu í venjulegu skóla umhverfi. I Ásgarðsskóla gat Barnið loksins mætt í skólann án kvíða."

„Námsfyrirkomulagið er líflegt og hvetjandi, og eftir útskrift úr Ásgarðsskóla kom dóttir mín sterk inn í framhaldsnám, er að klára menntaskólastigið á tveimur árum og hefur fengið fjölda viðurkenninga fyrir framúrskarandi árangur í námi þar auk þess að taka virkan þátt í menningarstörfum tengdum skólanum."

„Ásgarðsskóli bjargaði barninu mínu. Illa haldið af skólaforðun og vanlíðan. Skólinn breytti viðhorfi barnins til náms og var þetta ár það sem bjargaði heimilislífinu. Losna við pressuna að koma barninu út úr húsi á stað sem því leið illa á. Geta verið heima á sínum griðarstað og tekist á við námið."

„Ásgarðsskóli gaf barninu mínu tækifæri til þess að vera partur af valdeflandi, fræðandi og styðjandi námssamfélagi. Þar sem hún lærði að treysta á sjálfa sig, eiga frumkvæði og efla skapandi hugsun og vera lausnamiðuð í námi sínu. Það er augljóst hvernig skólastarfið hefur gefið sjálfstraust og þekkingu til þess að takast óhrædd við næsta skólastig. "

„Við erum óendanlega þakklát fyrir hlýjuna, þolinmæðina og faglegu nálgunina sem einkenndi allan hans skólagöngu hjá ykkur. Þið hafið haft varanleg og jákvæð áhrif á framtíð hans – og fyrir það eigið þið skilið okkar dýpstu þakkir."

„ Ásgarðsskóli kom að því að gefa barninu mínu trú á sjálft sig og lífið sjálft. Starfsfólkið og stefna skólans er mannelskandi og tekur fólki eins og það er á þeim þroska og getustigi þar sem það er. Þetta hafði þau áhrif að barnið mitt fékk lífsvilja aftur og sjálfstraust til að vera hann sjálfur. Ég verð ævinlega þakklát starfsfólki Ásgarðsskóla."